طى النسيان
Monday, January 12, 2009
طائر جريح
طائر جريح بيغنى
لكن غناه الم
و سكوته
انين يملى الكون حزن و شجن
عايز ينسى اللى فات و اللى جى
لانه ماضى فى عجلة الزمن
هينسى كل شىء
ماعدا خالق الكون
ما هو كل حاجة
لذة و الم
و لازم ينسى
عشان يستمر
يستمر فين
مش مهم
يمكن يفارق ناس كتير
و يتعرف على الغريب
لاجل ما ينسى و يستمر
محدش يحاسبه
و لا حتى يعاتبه
دا شاف كتير وملوش ذنب
دا قدر لازم يمر
ولازم ينسى
العتاب و الحنين
عشان يكمل و يستمر
حامل رسالة
شايل همها
ولما توصل
ساعتها بس هيقدر يقول انى نسيت
وعايز اطير
زى الملائكة لأ معاهم
طمعان فى النتيجة
لعله ينالها
سواء طال السفر أو قل
3 Comments:
يمكن يفارق ناس كتير
و يتعرف على الغريب
لاجل ما ينسى و يستمر
جميلة أوى :)
This comment has been removed by the author.
طبعا لازم تكون جميلة
عشان اللي كاتباها هي اجمل بنوتة في الدنيا "أمـــــــــــل"
:)
Post a Comment
<< Home